Урачыстасьць у садзе

Кастусь Акула, Натальля Арсеньнева, Антось Галіна, Пётра Крычэўскі, Аўген Кавалеўскі, Лявон Юрэвіч, Янка Юхнавец – аўтары, якія вымушаныя былі пакінуць сваю Бацькаўшчыну. Але і ў далёкай чужыне не адмовіліся ні ад беларускага слова, ні ад беларускай культуры і рабілі ўсё дзеля захавання роднае мовы, роднай літаратуры. У кнізе “Урачыстасьць у садзе” сабраны драматычныя творы гэтых аўтараў і пераклады з іншых моў. Большасьць з апублікаваных у кнізе твораў была друкавана толькі на старонках перыядычных выданняў (на бачынах “Бацькаўшчыны” і “Беларуса”. П’есы пісаліся для беларускага тэатраў дыяспары, для дзіцячых і моладзевых выступленняў. Асобнай часткай кнігі – дадаткам – з’яўляецца даследаванне – разважанне – гісторыя “Беларускага тэатру і драматургіі на эміграцыі” Лявона Юрэвіча, які вельмі падрабязна апісвае тэатральнае жыццё беларускіх эмігрантаў на чужыне. А таксама даецца бібліяграфія драматычных твораў, ды артыкулаў пра тэатр, драматургаў, што з’яўляліся ў перыядычным друку. (Н.Г.)

• Месца выхаду: Менск
• Дата выхаду: 2007
• Рэдактар: Нікіфаровіч Ванкарэм
• Выдавец: Мэдысонт
• ISBN: 985-6730-89-9
• Катэгорыя: Мастацкая літаратура, Мэмуары
• Copyright: © 2007 by Нікіфаровіч В., укладаньне, прадмова, Юрэвіч Л., дадатак, Гардзіенка Н., біяграмы., МГА «ЗБС «Бацькаўшчына», Афармленьне, СТАА «Медисонт»
• Кнігазбор: Kamunikat.org, Каталёг БГТ, Прыватны каталёг
• Дадатковая даведка: Выданьне публікуецца тут за ласкавай згодай Згуртавання Беларусаў Свету Бацькаўшчына