Вузлы

Мне часта сняцца сны. Адны і тыя ж. Ад гэтых сноў я прачынаюся і потым доўга не магу заснуць. Я ляжу, пазіраю ў цемнату, слухаю глухую цішыню ночы і думаю. Успамінаю. Ці так было тады, як мне цяпер сніцца? Я ляжу і ўспамінаю. А потым ужо не ведаю, што мне саснілася, а што я сам успомніў. Мне хочацца звязаць свае сны, звязаць ніткаю таго, што было паміж імі, што было пасля іх, але як ні стараюся я ўтрымаць канец гэтай ніткі, каб потым стачыць з другім канцом, нітка выплывае з маіх рук, абрываецца. Быццам паміж адным і другім сном не было нічога… Быццам і мяне не было. А можа, такая ўжо чалавечая памяць — яна рвецца, як тая нітка, пакідаючы ў руках то карацейшыя, то даўжэйшыя кавалкі, акурат такія, каб іх можна было пазавязваць у вузлы. Вузлы памяці… Вузлы сноў… (фрагмент)

• Дата выхаду: 2023
• Катэгорыя: Мастацкая літаратура
• Copyright: © 2013 by Лідзія Арабей; Copyright © 2023 by Kamunikat.org - ePub
• Кнігазбор: Kamunikat.org
• Дадатковая даведка: Падрыхтаванае на падставе: Арабей Лідзія, Выбраныя творы («Беларускі кніга­збор»: Серыя 1. Мастацкая літаратура), — Мінск: Кніга­збор, 2013. — 608 с. : [8] с. : іл.