Выйшла па-беларуску кніга Карнея Чукоўскага, перакладзеная ў турме Андрэем Скурко

2023-01-30 15:52

У перакладзе на беларускую мову кніга атрымала назву «Добры доктар Будзь-Здароў». Пра гэта паведаміла на сваім Фэйсбуку жонка Андрэя Паліна Скурко.

Вершаваную казку Чукоўскага «Айболит» перакладалі на беларускую мову і раней, але Андрэй Скурко зрабіў яе больш сучаснай.

Кнігу выдала выдавецтва „Тэхналогія”.

У анатацыі да кнігі напісана: „Усім вядома славуты класічны твор. Культавая вершаваная казка “Айболит” упершыню выдаецца на беларускай мове! Нашага Айбаліта завуць Будзь-Здароў (і гэта, адзначаюць чытачы, гучыць нашмат аптымістычней). Знакамітай кнізе Карнея Чукоўскага неўзабаве споўніцца сто гадоў, таму перакладчыку давялося сёе-тое асучасніць. Так, Будзь-Здароў паказвае хворым зверанятам мульцікі і лечыць іх не толькі ад малярыі, але і ад кавіду. Але рытм, дух, настрой арыгінальнага твора перададзены дасканала.”

Кнігу можна замовіць тут.

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк