Юры Касабуцкі: Молімся супраць гвалту, які прычыніў народу псіхалагічную траўму

2020-09-14 16:07

:/:

Каля 300 чалавек прынялі ўдзел у Крыжовым шляху па Мядзельскай Кальварыі.

Вітальнае слова прагучала ад біскупа Юрыя Касабуцкага, які ўзначаліў шлях:

- Я прашу памаліцца за касцёл у нашай краіне, за нашага метрапаліта Тадэвуша Кандрусевіча, які знаходзіцца ў выгнанні. Памаліцца за супакой у нашай краіне, за супакой у нашых сем’ях. Бо сёння ёсць вельмі моцны падзел у нашым грамадстве. Ёсць сёння шмат праблем. Ёсць шмат і насілля. Каб Бог мілаваў гэтую зямлю. І мы молімся за супакой, паяднанне, згоду паміж усімі людзьмі, усімі жыхарамі нашай роднай Беларусі.

Мядзельскі крыжовы шлях быў прысвечаны мірнаму вырашэнню грамадска-палітычнага крызісу ў Беларусі, а таксама хутчэйшаму вяртанню на Радзіму лідара каталікоў Тадэвуша Кандрусевіча.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк