За кiпучай чэкiсцкай работай

Гэтая кніга – вынiк шматгадовага архiўнага пошуку, у якiм праз iронiю дакумэнта дасьледуецца ўнутранае жыцьцё НКВД, мэханiзмы цэнзуры i драма сучаснага маральнага выбару, адкрываюцца невядомыя старонкi нацыянальнай трагедыi. Унутранае жыцьцё НКВД у Беларусі паказваецца ад дэталяў інтымнага жыцьця чэкістаў да іх уласных прызнаньняў пасьля арышту, ад оргіяў на працы да нечаканых паваротаў лёсу. Асобныя разьдзелы прысьвечаныя парадоксам цэнзуры, зьнішчэньню беларускай мовы, экспанатам мясцовай сталініяны і сталінцам. Дзесяцігадовая дыскусія вакол фігуры былога дырэктара акадэмічнага інстытуту літаратуры В. Барысенкі дае панараму грамадзкай думкі Беларусі ў разьвіцьці. Драма сучасанга маральнага выбару надае гістарычным фактам жывую актуальнасьць. Дасьледаваньне пабудаванае на ўнікальных дакумэнтах, якія аўтар, тады член камісіі Вярхоўнага Савету ў справе палітычных рэпрэсіяў, здолеў скапіяваць пад час дэмакратычнай адлігі ў Беларусі ў 1991—1992 гадах. Упершыню прыводзяцца прозьвішчы 188 супрацоўнікаў НКВД, арганізатараў і ўдзельнікаў масавых расстрэлаў у Беларусі. Мяркуецца, што чытачы самі змогуць дапоўніць сьпіс “курапатчыкаў”.

• Месца выхаду: Менск
• Дата выхаду: 1997
• Выдавец: Наша Ніва
• Выдавецтва/ друкарня: Наша Ніва
• Памеры: 192 с., 21см
• ISBN: 985-6374-03-0
• Катэгорыя: Гісторыя, Палітыка, Правы чалавека, Грамадзтва, Мэмуары
• Copyright: © 1997 Наша Ніва
• Кнігазбор: Kamunikat.org, Каталёг БГТ, Каталёг EEDC
• Інвэнтарныя нумары: BTH — 107, EEDC — 1141