Запрашаем узяць удзел у курсе «‎Школа Грамадскіх Лідараў»!

2023-02-10 17:36

Фонд Школы Лідараў (ФШЛ), Вольны Беларускі Ўніверсітэт (ВБЎ) і Фонд Міжнароднай Салідарнасці (ФМС) абвяшчаюць пра курс "Школа Грамадскіх Лідараў".

Курс арыентаваны на беларускіх лідараў няўрадавых арганізацыяў, прадстаўнікоў акадэмічных, медыйных, сеткавых, культурніцкіх колаў - людзей, якія хочуць актыўна працаваць у беларускіх асяродках як унутры краіны, так і за яе межамі, і якія займаюць актыўную грамадзянскую пазіцыю ды падзяляюць дэмакратычныя каштоўнасці. Праект фінансуецца Еўрапейскім саюзам.

"Школа грамадскіх лідараў" – гэта навучальны анлайн-курс, у рамках якога ўдзельнікі(цы) возьмуць удзел у:

·    цыкле лекцыяў пра функцыянаванне грамадзянскай супольнасці і выклікі сучаснай дэмакратыі;

·    сустрэчах з лідарамі вядучых грамадскіх ініцыятываў Беларусі;

·    семінары па развіцці лідарскіх навыкаў: кіраванне і развіццё каманды, адаптацыя і кіраванне праектамі, лідарская самасвядомасць.

Заяўкі прымаюцца праз запаўненне анкеты. Прыём заявак - да 20.02.2023.

Больш падрабязная інфармацыя і пытанні праз электронную пошту: julia.szczesniak@szkola-liderow.pl

Падчас любых зменаў ключавую ролю граюць адказныя і свядомыя лідары, якія актыўна шукаюць экспертныя веды і імкнуцца ператварыць свой і чужы досвед у новыя рашэнні. Станьце часткай пераменаў - падайце заяўку на ўдзел у нашай праграме!

Больш падрабязную інфармацыю пра праект можна знайсці на сайце Фонду Школа Лідараў, Фонду Міжнароднай Салідарнасці і ў сацыяльных сетках Вольнага Беларускага Ўніверсітэту.

Крыніца: Вольны Беларускі Ўніверсітэт

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк