Галоўная старонка / Выдаўцы і выдавецтвы / Праграмная рада тыднёвіка беларусаў у Польшчы Ніва /

Праграмная рада тыднёвіка беларусаў у Польшчы Ніва

„Ніва” выдаецца ў Беластоку ад 1956 года. Кожны яе выпуск датуецца нядзеляй. У Беластоку газета трапляе ў продаж у чацвер, які гэту нядзелю папярэджвае. Нашу старонку ў Інтэрнэце абнаўляем раней — у аўторак да 12 гадзіны польскага часу (GMT+1).

Інтэрнэт з’яўляецца той прасторай, у якой беларуская мова можа адчуваць сябе поўнасцю свабодна. У рэальным жыцці — незалежна ад геаграфічных каардынат — прасторы такой няшмат. Таму на нашых электронных старонках мы вырашылі аддаць перавагу слову (перагружаць іх графікай не будзем — ні цяпер, ні ў будучым).

Вы знойдзеце на гэтых старонках, між іншым, поўны выпуск нашай газеты — ён згодны па тыпаграфіі са сваім варыянтам на паперы. Робім гэта з думкай пра чытача ў Беларусі, у якой у пачатку 90-х гадоў спынілася распаўсюджванне нашага тыднёвіка шляхам міждзяржаўнай дамоўленасці. На працягу ўсёй дэкады распаўсюджванне ніколі не ўзнавілася. Цана нашай газеты (на польскія ўмовы крышку ніжэйшая за сярэднюю) у перакладзе на эканамічную рэальнасць Беларусі робіць тыднёвік недаступным шырэйшай чытацкай публіцы. Дзякуючы гэтай старонцы Вы зможаце перапісаць кожны выпуск „Нівы” ў свой камп’ютэр, аддрукаваць яго, прачытаць, а мабыць і пазычыць знаёмым, якія цікавяцца жыццём беларусаў у Польшчы.

А пішацца-ж наша газэта наркомаўскім правапісам. Гэта ні пратэст супраць чаго-небудзь, ні падтрымка чаму-небудзь. Прычына цалкам іншая, чытач у кожным кутку сьвету павінен яе зразумець — газэта выкарыстоўваецца ў якасьці дапаможніка ў тых школах Беласточчыны, у якіх вядзецца яшчэ навучаньне беларускай мовы. А навучаецца яна паводле тае нормы, для якое йснуюць падручнікі. У выпадку, калі-б Рэспубліка Беларусь прызнала беларускую мову як сваю дзяржаўную й пачала сваіх дзяцей вучыць чытаць і пісаць зь мяккім знакам — інакш выглядала-б навучаньне мовы на Беласточчыне, іначай пісалася-б наша газэта. Душою й сэрцам мы за мяккім знакам, але ж і жыцьцё ставіць свае ўмовы.

Тэкст www.niva.iig.pl

Праграмная рада тыднёвіка беларусаў у Польшчы Ніва. Выданьні

pdf

Ніва 2011/02 (2852)

тыднёвік беларусаў у Польшчы

Неўзабаве сядзем за каляднымі сталамі. Гэта час, які прысвячаем сабе і сваёй сям’і, час доўгачаканых сустрэч, гутарак, успамінаў, а таксама планаў. Каляды гэты таксама час, які ўводзіць нас у новы год. Той, які перад намі, для беларусаў Польшчы можа прынесці важныя змены. Аднак мы самі вырашым, у які... Болей »

pdf

Ніва 2011/01 (2851)

тыднёвік беларусаў у Польшчы

На Падляшшы рашучая большасць праваслаўных адзначае Божае Ражджаство па юльянскім календары. Ад 1995 года вернікі праваслаўя, якія святкуюць Каляды па новым стылі, маюць магчымасць пайсці на святочнае набажэнства ў царкву святой Марыі Магдаліны, — расказвае СМІ айцец падпалкоўнік Ігар Сегень. Прызнаецца... Болей »

pdf

Ніва 2010/52 (2850)

тыднёвік беларусаў у Польшчы

Ніякіх выбараў. Пацыфікацыя. Ганьба і сорам для ўлады і яе служак за жахлівы калядны і навагодні падарунак беларускаму народу, здзейснены імі 19 снежня ў дзень праваслаўнага свята Міколы. Кандыдаты ў прэзідэнты Рэспублікі Беларусь рэпрэсаваны. Уладзімір Някляеў — жорстка збіты, непрытомны, з мазгавой... Болей »

pdf

Ніва 2010/51 (2849)

тыднёвік беларусаў у Польшчы

— Гэта так выдатна акрэслівае спадара прафесара, яго годнасць і дастойнасць, што варта запомніць гэтае названне, — падводзіць вечарыну прафесар Тэрэса Занеўская, з ляўдацыі якой пачаўся юбілей 80-годдзя Алеся Барскага, паэта, дзеяча, прафесара. Беластоцкія „Сподкі” прывыклі ўжо прымаць беларускія мерапрыемствы... Болей »

pdf

Ніва 2010/50 (2848)

тыднёвік беларусаў у Польшчы

У cядзібе Белавежскага нацыянальнага парку 3 снежня адбылося ІХ пасяджэнне Польска-беларускай падкамісіі па справах прыгранічнага супрацоўніцтва ў рамках Польска-беларускай міжурадавай каардынацыйнай камісіі, якое закончылася падпісаннем пратакола-дамовы аб супрацоўніцтве ў каардынацыі дзейнасці розных... Болей »

pdf

Ніва 2010/49 (2847)

тыднёвік беларусаў у Польшчы

Яўрэі здаўна жылі ў Бельску-Падляшскім, у непадалёк распаложанай Орлі і іншых мясцовасцях Бельскай зямлі. Калі б не Другая сусветная вайна і Галакост, пэўна пражывалі б тут да сёння. Старшыня аб’яднання „Музей малой айчыны ў Студзіводах” Дарафей Фіёнік, заадно гісторык і фалькларыст, ад нейкага часу... Болей »

pdf

Ніва 2010/48 (2846)

тыднёвік беларусаў у Польшчы

Прапановы ўшанаваць памяць архіепіскапа Мірана прыходзілі ў нашую школу з розных асяроддзяў. Адразу пасля авіякатастрофы (што здарылася 10 красавіка і загінуў у ёй уладыка Міран — А.М.) трэба было размаўляць з вучнямі і супакойваць іх. Менавіта ўжо тады пачалі паяўляцца выказванні моладзі, каб у нас... Болей »

pdf

Ніва 2010/47 (2845)

тыднёвік беларусаў у Польшчы

Мітрапаліт Сава ў сваім слове 14 лістапада, у час службы ў рыбалаўскай царкве на прыхадскім свяце, успамінаў святых заступнікаў — святых Кузьму i Дзям’яна Асійскіх, якія сярод усходнiх славян лiчацца ахоўнiкамi рамёстваў, асаблiва майстроў кавальскай справы i швачак, ахоўнiкамi сямейнага ачага, святасцi... Болей »

pdf

Ніва 2010/46 (2844)

тыднёвік беларусаў у Польшчы

З такім лозунгам Бельская кааліцыя (БК), якая ўжо 16 гадоў дзейнічае на Бельшчыне, ідзе на самаўрадавыя выбары і верыць, што яе кандыдат Пётр Божка стане бурмістрам Бельска-Падляшскага. Пётр Сэльвесюк з’яўляецца кандыдатам БК на войта Арлянскай гміны, а шмат вядомых і шанаваных асоб сталі кандыдатамі... Болей »

pdf

Ніва 2010/45 (2843)

тыднёвік беларусаў у Польшчы

Мінуў час рэгістрацыі кандыдатаў на бурмістраў і войтаў. Цяпер стала вядомым, што за пасаду бурмістра Гайнаўкі будзе змагацца 5 чалавек, у ліку якіх Міраслаў Раманюк — адзіны беларус, які балатуецца са спіска ПСЛ. Згадзіўся ён паразмаўляць наконт сваіх планаў, якія хацеў бы рэалізаваць, стаўшы бурмістрам... Болей »

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк