Галоўная старонка / Выдаўцы і выдавецтвы / Праграмная рада тыднёвіка беларусаў у Польшчы Ніва /

Праграмная рада тыднёвіка беларусаў у Польшчы Ніва

„Ніва” выдаецца ў Беластоку ад 1956 года. Кожны яе выпуск датуецца нядзеляй. У Беластоку газета трапляе ў продаж у чацвер, які гэту нядзелю папярэджвае. Нашу старонку ў Інтэрнэце абнаўляем раней — у аўторак да 12 гадзіны польскага часу (GMT+1).

Інтэрнэт з’яўляецца той прасторай, у якой беларуская мова можа адчуваць сябе поўнасцю свабодна. У рэальным жыцці — незалежна ад геаграфічных каардынат — прасторы такой няшмат. Таму на нашых электронных старонках мы вырашылі аддаць перавагу слову (перагружаць іх графікай не будзем — ні цяпер, ні ў будучым).

Вы знойдзеце на гэтых старонках, між іншым, поўны выпуск нашай газеты — ён згодны па тыпаграфіі са сваім варыянтам на паперы. Робім гэта з думкай пра чытача ў Беларусі, у якой у пачатку 90-х гадоў спынілася распаўсюджванне нашага тыднёвіка шляхам міждзяржаўнай дамоўленасці. На працягу ўсёй дэкады распаўсюджванне ніколі не ўзнавілася. Цана нашай газеты (на польскія ўмовы крышку ніжэйшая за сярэднюю) у перакладзе на эканамічную рэальнасць Беларусі робіць тыднёвік недаступным шырэйшай чытацкай публіцы. Дзякуючы гэтай старонцы Вы зможаце перапісаць кожны выпуск „Нівы” ў свой камп’ютэр, аддрукаваць яго, прачытаць, а мабыць і пазычыць знаёмым, якія цікавяцца жыццём беларусаў у Польшчы.

А пішацца-ж наша газэта наркомаўскім правапісам. Гэта ні пратэст супраць чаго-небудзь, ні падтрымка чаму-небудзь. Прычына цалкам іншая, чытач у кожным кутку сьвету павінен яе зразумець — газэта выкарыстоўваецца ў якасьці дапаможніка ў тых школах Беласточчыны, у якіх вядзецца яшчэ навучаньне беларускай мовы. А навучаецца яна паводле тае нормы, для якое йснуюць падручнікі. У выпадку, калі-б Рэспубліка Беларусь прызнала беларускую мову як сваю дзяржаўную й пачала сваіх дзяцей вучыць чытаць і пісаць зь мяккім знакам — інакш выглядала-б навучаньне мовы на Беласточчыне, іначай пісалася-б наша газэта. Душою й сэрцам мы за мяккім знакам, але ж і жыцьцё ставіць свае ўмовы.

Тэкст www.niva.iig.pl

Праграмная рада тыднёвіка беларусаў у Польшчы Ніва. Выданьні

pdf

Ніва 2009/13 (2759)

тыднёвік беларусаў у Польшчы

Калі задумацца, якое мысленне мае сярэднестатыстычны насельнік Беларусі, да чаго ён імкнецца і чым кіруецца, то напэўна можна сфармуляваць гэта адным кароценькім сказам — „жыць так, як усе”. Жыць так, як усе — гэта значыць хадзіць на працу з васьмі раніцы да пяці вечара, атрымліваць сталы заробак, хай... Болей »

pdf

Ніва 2009/12 (2758)

тыднёвік беларусаў у Польшчы

Аўтары Беларускага літаратурнага аб’яднання „Белавежа” за больш чым пяцьдзесят гадоў дзейнасці групы вупусцілі амаль дзвесце загалоўкаў кніг. Выдаваліся таксама калектыўныя альманахі, а ў апошнія гады выпускаецца таксама практычна міжнародны літаратурна-крытычны штогоднік „Тэрмапілы”. Найбольш багатым... Болей »

pdf

Ніва 2009/11 (2757)

тыднёвік беларусаў у Польшчы

„Аты старік куды” ў другі раз? — Імпрэза як імпрэза, — кажа Міхал, дзеяч культуры з вопытам, — мяне цяжка схапіць знянацку, бо амаль усё бачыў, але знаеш, што мяне калісь захапіла? „Юр'я". Гэта была энергія. Хаця фольк-мадэрну, які прэзентавала „Юр'я" не было ў беластоцкім клубе Фама, то быў проста беларускі... Болей »

pdf

Ніва 2009/10 (2756)

тыднёвік беларусаў у Польшчы

Як жа багатая наша тутэйшая зямелька выдатнымі помнікамі тутэйшай матэрыяльнай культуры, якім па арыгінальнасці наўрад ці знойдзецца раўня нават у маштабе Планеты. Вось такі архітэктурны шэдэўр дрэмле на аўтобусным прыпынку, што па шашы Бельск — Беласток насупраць вёскі Храбалы. Калі глядзець на гарызантальную... Болей »

pdf

Ніва 2009/09 (2755)

тыднёвік беларусаў у Польшчы

З клопатам пра меншасці. Размова з Анатолем Вапам — дырэктарам дэпартамента культуры і нацыянальнай спадчыны Падляшскай маршалкоўскай управы. „Ніва”: — Якія прыярытэты абавязвалі пры назначанні датацый з сёлетняга бюджэту падляшскага самаўрада на заданні ў галіне культуры? Анатоль Вап: — Былі яны падобныя... Болей »

pdf

Ніва 2009/08 (2754)

тыднёвік беларусаў у Польшчы

Калі радныя Гайнаўкі прынялі пастанову аб увядзенні беларускай мовы ў якасці дапаможнай у зносінах паміж чыноўнікамі магістрата і насельніцтвам, як у вусным, так і ў пісьмовым варыянце, узнікла пытанне якая гміна зробіць чарговы крок у гэтым плане і першы крок у справе ўстанаўлення ўказальнікаў на акраінах... Болей »

pdf

Ніва 2009/07 (2753)

тыднёвік беларусаў у Польшчы

Беласток — сталіца першага рэгіёна, які 5 лютага наведаў пасол Рэспублікі Беларусь у Рэспубліцы Польшча Віктар Гайсёнак, па адукацыі фізік, былы міністр адукацыі, у апошні час віцэ-міністр замежных спраў. Сустрэўся ён з уладамі горада і рэгіёна, епіскапамі Іакавам і Грыгорыем, больш за гадзіну размаўляў... Болей »

pdf

Ніва 2009/06 (2752)

тыднёвік беларусаў у Польшчы

На 2009 год мы тое, чаго хацелі, тое і дасталі. У рамках пошукаў ашчаднасцей у ведамствах грошы на дзейнасць меншасных арганізацый у Міністэрстве ўнутраных спраў і адміністрацыі не будуць скарачацца, — гарантваў „Ніве” дырэктар дэпартамента веравызнанняў і нацыянальных меншасцей Юзаф Ружанскі пасля сустрэчы... Болей »

pdf

Ніва 2009/05 (2751)

тыднёвік беларусаў у Польшчы

— Пан рэдактар, маем катэгарычную забарону выказвацца на гэтую тэму, — сказаў „Ніве” адзін з духоўных Беластоцка-Гданьскай епархіі, якога мы папрасілі адкрыцца на тэму супрацоўніцтва праваслаўнага духавенства са службамі бяспекі ПНР. Шмат, таксама свецкіх, асоб пасля публікацый на гэтую тэму ў „Выбарчай... Болей »

pdf

Ніва 2009/04 (2750)

тыднёвік беларусаў у Польшчы

Бельскі беларускі ліцэй ужо неаднаразова трапляў на спісак перадавых ліцэяў ва ўсёй Польшчы ў рэйтынгу звышгімназічных школ, праведзеным адукацыйным месячнікам „Perspektywy” і газетай „Rzeczpospolita”. Месцы паасобных школ капітулам гэтага рэйтынгу вызначаліся паводле вышэйпрыведзенай формулы, дзе W... Болей »

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк