Дванаццатка

Гэтая кніга – аповед пра дарогу, якая пачалася ў 1944 годзе ў Баранавічах, ідзе далей на захад праз ваенную й паваенную Нямеччыну, кіруецца далей на поўнач празь Ля-Манш у маляўнічую Шатляндыю, заварочвае на поўдзень у цэнтральную Англію ды вяртаецца на эўрапейскі кантынэнт у Бэльгію, каб адтуль, пасьля гадоў супольных вандровак, разыйсьціся вузейшымі індывідуальнымі сьцежкамі ў розныя бакі. На гэтай дарозе сустрэліся й дамовіліся трымацца разам дванаццаць беларускіх хлапцоў-бязбацькавічаў, якія пастанавілі прабівацца ў жыцьцё супольнымі сіламі. Ідэя вольнай Беларусі служыла ім арыентырам, трымала іх разам, давала імпульс да творчай і грамадзкай працы. Кніга створаная як мэмуарна-дакумэнтальная. У ёй, разам з успамінамі, дзёньнікавымі запісамі ды выпісамі з эміграцыйнага друку, падаюцца таксама лісты, публіцыстычныя артыкулы й літаратурныя творы, аўтарамі якіх зьяўляюцца героі аповеду. Бальшыня зьмешчанага дакумэнтальнага матэрыялу публікуецца ўпершыню. Адначасова гэтая кніга зьяўляецца пасленьнем аўтара да маладых беларусаў ХХІ стагодзьдзя. Падставаю таму – уласны няпросты досьвед.

• Месца выхаду: Нью-Ёрк-Беласток
• Дата выхаду: 2002
• Выдавец: Беларускі Інстытут Навукі й Мастацтва
• Выдавецтва/ друкарня: Orthdruk sp. z o.o., Białystok
• ISBN: 0-9722020-0-5
• Катэгорыя: Гісторыя, Культура, Грамадзтва, Біяграфіі
• Copyright: © Jan Zaprudnik
• Кнігазбор: Kamunikat.org, Каталёг БГТ, Каталёг EEDC, Каталёг MiOKB, Прыватны каталёг
• Інвэнтарныя нумары: BTH — 762, 761, EEDC — 3198, 3198-2, 3198-3, MiOKB — 8921, 10230, 10541, 11501
• Дадатковая даведка: Друкуецца пры фінансавай дапамозе Фундацыі ймя Пётры Крэчэўскага; макетаваньне Вера Леўчук