Там, дзе мы

Таццяна Беланогая, бард. Нарадзілася ў 24.06.1984 годзе ў Мінску. Потым бацькі пераехалі ў горад Маладзечна, які і з’яўляецца малой радзімай для Таццяны. У 2002 годзе паступіла ў Мінск на прыродазнаўчы факультэт БДПУ імя М. Танка, які скончыла ў 2007 годзе. Атрымала другую вышэйшую адукацыю выкладчыка ангельскай мовы. Увесну 2004 года запісала і выдала свой першы аматарскі альбом "Там, дзе мы". Тады ж, у 2004 годзе, стала пераможцай конкурсу беларускай бардаўскай песні "Бардаўская восень - 2004" у Бельску–Падляшскім (Польша). У 2006 запісала і выдала свой другі аматарскі альбом "Пабачыць сьвет". У 2006 стала пераможцай міжнароднага конкурсу бардаў "ОППА" у Варшаве. Дзякуючы гэтай перамозе з’явілася магчымасць запісаць першы студыйны альбом "Дзьвюхкроп’е", які быў прэзентаваны ў 2007 годзе ў Варшаве (Польшча), а ў 2008 годзе ў Беларусі. У 2010 годзе пабачыў свет альбом “Ніткі”. Таццяна Беланогая прымала ўдзел у Днях культуры Беларусі, якія праходзілі ў Варшаве, Кракаве (2008), Вроцлаве (4-10.06.2007), у Чацвёртым Фестывалі Беларускай Культуры ва Вроцлаве. У 2008 годзе брала ўдзел у міжнародным бардаўскім фестывалі "Sopot Bards Meeting - 2008", які адбываўся ў Сопаце на знакамітай сцэне Лясной Оперы (Operze Leśnej) (Польшча). Пры падтрымцы галерэі "Zoya" ладзіла выступы ў Варшаве (2009). У Беларусі выступала на шматлікіх канцэртах і творчых вечарах. Жыве ў Мінску. «Там, дзе мы» - першы альбом Тацьцяны Беланогай, выдадзены ў 2004 годзе.

• Дата выхаду: 2004
• Катэгорыя: Музыка
• Copyright: © 2004 by Беланогая Тацьцяна
• Кнігазбор: Kamunikat.org