Зміцер Вішнёў: Я атрымаў задавальненне ад працы над гэтым раманам

2025-10-21 14:08

:/:

Лонданскім выдавецтвам «Скарына» ў фармаце кніжнага праекта «33 кнігі для іншай Беларусі» выдадзены новы раман Змітра Вішнёва «Я — тое мяса, якое прыгатаваў Зміцер». Гэта ўжо трэці раман пісьменніка.

Першы буйны празаічны твор аўтара «Замак пабудаваны з крапівы» ў 2014 годзе выйшаў і па-нямецку.

Кажа Зміцер Вішнёў:

— Я атрымаў вялікае задавальненне і кайф ад працы над гэтай кнігай. У прынцыпе я зрабіў тое, што хацеў. Кніга цалкам атрымалася такой, якой і была задумана. І для мяне было важна, каб менавіта Серж Мінскевіч, Юры Гумянюк, Алесь Родзін, Ярыла Пшанічны, каб яны заставаліся побач са мной. Безумоўна, гэта дзеля памяці, хацеў зафіксаваць іх і для сябе і для нашай культурніцкай прасторы. Таму што для мяне яны жывыя.

Зміцер Вішнёў вядомы ў Беларусі таксама і як кіраўнік выдавецтва «Галіяфы». У 2022 годзе тэрмінам на 3 месяцы выдавецкая дзейнасць «Галіяфаў» была прыпынена на падставе загада Міністэрства інфармацыі. Пасля заканчэння тэрміну забароны выдавецтва спыніла сваю дзейнасць — не прайшло дзяржаўную пераатэстацыю. Згубіўшы сваё выдавецтва, Зміцер Вішнёў з’ехаў у замежжа і зараз жыве ў Берліне.

Цалкам матэрыял — у далучаным гукавым файле!

Загалоўнае фота Skarynapress.com

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк